سندھ ہائیکورٹ میں مکہ ٹیرس سے متعلق کیس کی سماعت ہوئی جس دوران جسٹس اظہر رضوی نے ریمارکس دیے کہ شہروں میں ہی مکینوں کو مہاجر بنا دیا گیا اور کروڑوں روپےکےفلیٹس خریدنے والےآج سڑکوں پر آگئے، ان سے پوچھیں جنہوں نے زندگی بھر کی جمع پونجی لگائی۔دورانِ سماعت عدالت نے بلڈر سے سوال کیا کہ ایک فلیٹ کی کتنی قیمت ہے؟ بلڈر محمد وسیم نے بتایا کہ ایک فلیٹ کی قیمت20 لاکھ روپے ہے، عدالت نے غلط بیان پر بلڈر کو ڈانٹ دیا۔عدالت نے کہا کہ صدر میں ایک پورشن 20لاکھ کا، کیا کہہ رہے ہو، ایک کروڑ سے سوا کروڑ کا فلیٹ ہوگا، 20 لاکھ روپے میں تو سپر ہائی وے پر پلاٹ نہیں ملتا۔
