ترجمان سندھ حکومت مرتضٰی وہاب نے ایک ویڈیو پیغام میں کہا کہ آج عمران خان نے ثابت کردیا کہ تحریک انصاف کا کوئی تعلق پاکستان کی عوام سے نہیں،آج کی موجودہ مہنگائی کی صورتحال میں پیٹرول کا ایٹم بم بھی عوام پر گرادیا گیا ہے۔انہوں نے کہا کہ عوام کی طاقت سے اس نا اہل حکومت کو گھر بھیجیں گے جبکہ عوام بلاول بھٹو کے ہاتھ مضبوط کریں۔
دوسری جانب سینیٹر سلیم مانڈوی والا نے کہا کہ عوام پر پیٹرول بم گرانے کی شدید مذمت کرتے ہیں۔
اس کے علاوہ چیئرمین پاک سرزمین پارٹی مصطفیٰ کمال نے کہا کہ قیمتوں میں پے درپے اضافے سے متوسط اور غریب طبقہ پس گیا جبکہ نا اہل حکومت نے غربت نہیں بلکہ غریب مٹانے کی پالیسی اختیار کی ہے۔امیر جماعت اسلامی سراج الحق نے کہا کہ پیٹرولیم مصنوعات کی قیمتوں میں اضافہ مسترد کرتے ہیں ، حکومت نے پیٹرول کی بلند ترین قیمت کا اپنا ہی ریکارڈ توڑ ڈالا۔
