اسلام آباد کی ڈسٹرکٹ اینڈ سیشن کی عدالت میں لانگ مارچ کےدوران توڑ پھوڑ کے کیس کی سماعت ہوئی جس سلسلے میں پی ٹی آئی رہنما قاسم سوری ، شہریار آفریدی ، علی محمد خان ، اسد عمر، فیصل جاوید اور دیگر عدالت میں پیش ہوئے۔دورانِ سماعت فاضل جج نے ریمارکس دیے کہ تھانہ ترنول،گولڑہ اور آئی نائن کے مقدمے میں کوئی شامل تفتیش نہیں ہوا، میں تفتیشی کو پابند کر دیتا ہوں آپ شامل تفتیش ہو جائیں۔بعد ازاں عدالت نے تمام مقدمات میں پی ٹی آئی رہنماؤں کی ضمانتوں کی درخواست پرفیصلہ محفوظ کرلیا جسے کچھ دیر بعد سناتے ہوئے تمام افراد کی عبوری ضمانتیں کنفرم کردیں۔
