شہباز شریف اسلام آباد میں بارہ کہو بائی پاس کے سنگِ بنیاد کی تقریب میں شرکت کے لیے پہنچے، جہاں سنگ بنیاد رکھنے کی تقریب سے خطاب کے دوران وزیراعظم شہباز شریف کا کہنا تھا کہ بارہ کہو مری روڈ پر گھنٹوں ٹریفک جام رہتا ہےاس منصوبے سے بارہ کہو شہر میں ٹریفک کا رش ختم ہوگا۔وزیراعظم کے مطابق، 5.4 کلو میٹر طویل منصوبےکو 4 ماہ کی ریکارڈ مدت میں مکمل کرنے کا ہدف ہے، بارہ کہو بائی پاس منصوبے کا کنٹریکٹ شفاف بولی کے ذریعے ایل سی کو دیا گیا۔شہباز شریف کا کہنا تھا کہ ایل سی کو ہدایت دی گئی ہیں کہ وہ اس منصوبے کو 3 ماہ میں مکمل کرے تاہم منصوبے کی کوالٹی انتہائی معیاری ہونی چاہیے۔وزیر اعظم کا مزید کہنا تھا کہ بارہ کہو بائی پاس منصوبہ ساڑھے پانچ کلو میٹر طویل ہوگا ایسے منصوبے 3 ماہ کے بجائے ڈیرھ میں ماہ مکمل ہوتے رہے ہیں ۔
