افتتاحی تقریب سے خطاب میں وزیرخارجہ بلاول بھٹو زرداری نے کہا کہ جدید ٹیکنالوجی اور مصنوعی ذہانت کا استعمال ترقی کی طرف بہت معاون ہے، آئیڈیاز کا انعقاد باہمی ہم آہنگی اور تعلقات کی بہتری میں معاون ثابت ہوگا۔

انہوں نے کہا کہ پاکستان ڈیفالٹ کے خطرے سے نکل چکا ہے، اب اتحادی حکومت ملک کو معاشی چیلنجزسے نکالنے کے لیے کام کررہی ہے اور اتحادی حکومت بہت سے چیلنجزسے نبرآزما ہے۔

وزیر خارجہ کا کہنا تھاکہ پاکستان نے دنیا میں امن کےلیے کام کیا اورکرتا رہے گا، خارجہ پالیسی کے تحت دوسرے ممالک سے تعلقات بہترکررہے ہیں، مسئلہ کشمیرکا پرامن حل خطے کی بہتری کے لیے اہم ہے۔